![Li Îzmîrê 6 rojnameger hatin desteserkirin](https://www.rupelanu.com/d/news/30267.jpg)
Li Îzmîrê 6 rojnameger hatin desteserkirin
.
Li bajarê Îzmîrê yê Tirkiyeyê, îro 6 rojnameger hatin desteserkirin.
Li Îzmîrê hêzên ewlehiyê yên Tirkiyeyê îro berê sibehê bi ser hinek malan de girt.
Nûçegihanên Ajansa Mezopotamyayê Delal Akyuz, Semra Turan û Tolga Gunet; nûçegihana JINNEWSê Melîke Aydin; nûçegihanê Duvarê Cîhan Başakçioglu û xebatkara medyayê ya DEM Partiyê Fatma Funda Akbulut hatin desteserkirin.
Li gorî Ajansa Mezopotamyayê, 6 rojnamegerên ku sedema desteserkirina wan nehatiye eşkerekirin, birin Rêveberiya Ewlehiyê ya Çankayayê ya Îzmîrê.
Hat zanîn ku biryara nihênîbûnê li ser dosyayê heye û parêzer nikarin 24 demjimêran rojnamagerên desteserkirî bibînin.
Ji aliyê din ve, li gorî rapora Komeleya Rojnamegeran a Dîcle Firatê, li Tirkiye û Bakurê Kurdistanê sala 2023yan 280 rojnameger hatin darizandin û 57 rojnameger girtî ne.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin