Xebatên kolandinê li Keleha Korsotê ya dîrokî li gundê Korsotê yê navçeya Bêgiriyê ya ser bi parêzgeha Wanê ya Bakurê Kurdistanê berdewam in. Kolandinên li Kela Korsotê ya Urartûyan berdewam in. Di kolandinên nû de duyemîn perestgeha ku ji aliyê Keyê Urartûyan Minûa ve hatiye çêkirin û gorek hat dîtin.

Akademîsyenê Beşa Arkeolojiyê yê Zankoya Yuzuncu Yilê ya Wanê Sabahattin Erdogan got, “Di kolandinên sala 2022an de me Perestgeha Sûsî ya ku ji aliyê Key (Şah) Minûa ve hatiye çêkirin dît û derxist ser rûyê erdê û goreke girîng dît.”

Ji ber keşûhewaya sar û berfa zêde kolandinên li keleha dîrokî heta mehên biharê hatin rawestandin.

Akademîsyenê Beşa Arkeolojiyê yê Zankoya Yuzuncu Yilê ya Wanê Sabahattin Erdogan anî ziman, “Di vê qadê de gelek seramîkên dema Urartûyan û bi heman awayî seramîkên dema Çaxa Navîn hatin dîtin. Ji bilî perestgehê nekropola kelehê derket ku gelek gor hatin dîtin, taybetiya wan gorên bi nexşên kevir in.”

Keleha Korsotê yekem car di sala 1956an de ji aliyê lêkolînerê Brîtanî Charles Burney ji bo cîhana zanistê hat eşkerekirin û Muzexaneya Wanê di sala 2016an de li keleha dîrokî dest bi yekem kolandinan kir.