Li nêzîkî bajarokê Reşad ê başûrê Kerkûkê, bombeyek di dema derbasbûna karwaneke hêzên Polîsa Federal teqiya.

Li gorî zanyariyên peyamnêrê K24ê li Kerkûkê, di teqînê de 9 polîs hatin kuştin û polîsek jî birîndar bûye.

Di vê derbarê de jêderekî ji Polîsa Kerkûkê ji peyamnêrê K24ê re ragihand, teqîn li gundê Sefer ê ser bi zincîreya çiyayê Hemrînê pêk hatiye.

Wî jêderî da zanîn jî, piştî teqînê, şer û pevçûn di navbera Polîsa Federal û çekdarên DAIŞê derketiye û di encam de çekdarekî DAIŞê hat kuştin.