Li Kirmanşanê 3 erdhej!
Hate ragihandin ku li Kirmanşana Rojhilata Kurdistanê 3 erdhejên bi tundiya 4.5 û 4.6 pileyan rû daye. Her wiha doh bi şev jî li Tehranê jî erd hejiyabû û 2 kes jiyana xwe ji dest dabû.
A+A-
Îro danê sibê saet 06.20 bi dema Tehranê sê erdhej li Kirmaşanê qewimîn.
Hate ragihandin, erdheja yekem bi tundiya 4.5 pile li bajarê Serpêla Zehawê da, ya duyem jî bi tundiya 4.6 dîsa li Serpêla Zehawê rû da, erdheja sêyem jî bi tundiya 4.6 pile li devera Tazeawaya Kirmaşanê da.
Heta niha tu agahî li ser ziyana erdhejan nehatiye bidestxistin.
Ji aliyekî din hat gotin ku li Tehranê 2 kes ji ber erdheja şeva borî, ji tirsê dilên wan sekiniye û mirine û nêzîkî 100 kes jî birîndar bûne.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin