Li Londonê bi slogana “Windanebûn, Parastin û Vejîna Berdewam” konferanseke taybet a zimanê dayîkê tê lidarxistin.

Konferans li bajarê Londonê yê Brîtanyayê îro tê lidarxistin û ji Kurdistan û Ewropayê gelek kesayetên akademîk beşdarî dibin.

Rêxistina Kangayê vê konferansê li dar dixe û dê gelek mijarên bi zimanê dayîkê re pêwendîdar bên nîqaşkirin.

Serokê Komîteya Rêxistina Kangayê Rewa Hejar bû mêvanê Diyasporayê û li ser konferansê agahî dan.

“Kurdî ji bo mana miletê Kurd nola kelehekê ye”

Rewa Hejar diyar ku rêxistina wan girîngiyê dide zimanê dayîkê û li pey çû:

“Rêxistina Kangayê ku rêxistineke qezencnexwaz e û guh dide zimanê dayîkê.

Kanga sala 2005an ji hêla Ednan Şasiwar ve hat damezirandin.

Em konferansê saz dikin û armanc dikin ku bi rêya konferansê giringî û qîmetê zimanê dayîkê xasma jî zimanê Kurdî nîşan bidin.

Zimanê Kurdî ku dikare bimîne û tevî hemû ferman û dagirkeriyên ku hatine serê wî jî ji bo mana miletê Kurd nola kelehekê ye.”

Rewa Hejar bi bîr anî ku konferans îro dest pê dike û dê du rojan berdewam dike.

“Em dikarin hişyariyeke çê bidin”

Rewa Hejar diyar kir ku pisporên zimanê Kurdî axaftvanên konferansê ne û herwisa hemû mêvan jî pisporên zimanê Kurdî ne û pê de çû:

“Em nikarin bibêjin ku em dê bi saya konferansê pirsgirêka zimanê Kurdî çareser bikin.

Li şûnê em dikarin hişyariyeke çê li ser çewtî û kil û kêmasiyên zimanê Kurdî bidin û ev bibe haveynek ji bo ku aliyên din jî bêhtir guh bidinê û problemên zimanê Kurdî çareser bikin.”

Rûdaw