Navenda Nûçeyan- Li bajarê Mehabad yê Rojhilatê Kurdistanê, dîwar bi ser karkeran de hilweşîya, herî kêm 2 karker mirin.
Malpera Hengaw ragihandîye, duhî li gundê Konedê yê Mehabadê dîwar bi ser komek karker de hilweşîya.
Li gorî agahîyan, di encamê de 2 karker mirin û 3 karker jî birîndar bûn.
Ewên ku mirine, birayên hev bûn. Navê Yekê Resû û navê yê din jî Qadir bû. Ew xortên kurd xelkê gundê Girdî Yaqûb yê Mehabadê bûn.
Karkerên birîndar jî niha li nexweşxaneya Xumênî ya Mehabadê de tên dermankirin.
 Basnews