Navenda Nûçeyan- Welatîyê Kurd ji bajarê Minbicê ku niha ligel birayê xwe li Nexweşxaneya Rojava ya Hewlêrê ye, Mihemed Hebeş ji Tora Medyayî ya Rûdawê re ragihand ku roja Şemîyê, li bajarê Minbicê agir bi mala birayê wî (Mezlûm Hebeş) ket.

Mihemed Hebeş got, çekdaran û şaneyên veşartî ji hêzên çekdar agir berdane mala birayê min û di encamê de, ew û keça wî û kurê wî tûşî şewatê bûn.

Keça Mihemed Mezlûm ji bo dermankirinê bo Nexweşxaneya Hesekê hate veguhastin, lê bi sedema giranîya birînê ji ber şewatê, jîyana xwe ji dest da.

Mihemed Mezlûm jî ligel kurê wî, bo Nexweşxaneya Rojava ya Hewelêrê hatine veguhastin, lê kurê wî jî jîyana xwe ji dest da.

Li gorî gotina Mihemed Hebeş, rewşa tendirustî ya birayê wî zehmet e û pêwîstîya wî bi çareserîya tendirustî û alîkarîyê heye.

Çavkanî: Rûdaw