Li Îran û Rojhilatê Kurdistanê, belavbûna vîrusa Koronayê û rêjeya mirinê bi wê nexweşiyê roj bi roj zêde dibin.

Li gorî amarên dawî, li parêzgeha Ormiyê duhî 21 kes bi Koronayê can dan û hejmara miriyan li wê deverê gihîşt hezar û 149 kesan.

Berpirsên bajêr dibêjin, ev bilindtirin asta mirinê ye ku heta niha li parêzgehê hatiye tomarkirin.

Niha li nexweşxaneyên bajarên parêzgeha Ormiyê de, bi sedan kes jî di bin çavdêriya tund ya nojdariyê de ne, ji bilî bi hezaran pêketiyên din ku li malên xwe de tên dermankirin û karantînkirin.

Duhî li seranserî Îranê jî 227 kes bi Koronayê mirin û hejmara miriyên Koronayê gihîşt 27 hezar û 419 kesan.