Di navbera Hêzên Berevaniya Niştimanî ya ser bi hikûmeta Sûriyê û hêzên Asayîşê de şer û pevçûn derket 

 Li bajarê Qamişlo yê Rojavayê Kurdistanê, di navbera Hêzên Berevaniya Niştimanî ya ser bi hikûmeta Sûriyê û hêzên Asayîşê de şer û pevçûn derket.

Peyamnêrê K24ê Ekrem Salih ragihand ku li Qamişlo di navbera Hêzên Berevaniya Niştimanî ya ser bi hikûmeta Sûriyê û hêzên Asayîşê ya ser bi Rêveberiya Xweser de şer derket û diyar kir ku ji ber şer û pevçûnê endamekî Asayîşê canê xwe ji dest daye û heta niha nayê zanîn çend kes birîndar bûne.

Peyamnêrê me eşkere kir ku şer di demjimêr 21:00ê de li taxa Dewara Wehde rûda û endamê Asayîşê yê bi navê Xalid Hacî canê xwe ji dest da.

Herwiha ragihand ku hêzên Asayîşê li cihê bûyerê ji bo her egerekê ketine amadebaşiyê.