Malpera mafên mirov ya Hengaw ragihandiye, di nav mehekê de li Rojhilatê Kurdistan 12 kesan xwe kuştine ku 6 jin û 6 jî zilam in.

Li gorî raporta Hengawê, temenê 5 kes ji wan kesên ku xwe kuştine, kêmtirî 18 salan e. 4 ji wan keç û yek jî kur e.

Li gorî agahiyan, sebeba piraniya wan xwekuştinan, arîşeyên nav malbatê bûne.

Li gorî raporta Hengawê; li Îlamê 3 kesan xwe kuştine (2 jin û zilamek), li Kirmaşanê zilamek, li Sine 5 kes (2 jin û 3 zilam) û li Ormiyê jî 3 kes (2 jin û zilamek) xwe kuştine.

10 kes ji wan kesan xwe xeniqandine, kesekî bi xwarina derman xwe kuştiye û yekê jî xwe li ser ban avêtiye xwarê û xwe kuştiye.