Li Şamê teqînek çêbû û di encamê de hejmarek efser û serbazên Sûrî hatin kuştin û hejmarek jî birîndar bûne.

Îro serê sibehê, li bajarê Şam a paytexta Sûriyê, teqînek çêbû û çend efser û serbazên Sûrî hatin kuştin û birîndarkirin.

Li gor ajansa SANA ya fermî ya Sûriyê, otobuseke serbazî ya veguhestina efser û serbazan bi 2 mînên teqîner hatiye armancgirtin û di encamê de 13 kes hatine kuştin û 3 kes jî birînar bûne.

Li gor SANA, teqîn li nêzîkê Cisir el-Reîs, anku Pira Serok li naverasta Şama paytext çêbûye.

Wezîrê Navxwe yê Sûriyê ragihand ku teqîn di nav basekê de çêbûye.

Ajansa fermî ya Sûriyê herwiha diyar kir ku mîneke sêyem jî li cihê teqînê ji aliyê hêzên endezyariya serbazî ve hatiye pûçkirin.