Li ser îfadeyên Endamê Rêvebir yê Konseya KCKê Duran Kalkan yên derbarê Herêma Kurdistanê de, ne razîbûna alîyên sîyasî berdewame.
Yekîtîya Niştimanê Kurdistanê YNK û Tevgera Guhertinê GORANê jî bibeyanê zindî bertekên xwe nîşandan. 
 
Berpirsên YNK û GORANê, li himber beyana Duran Kalkan a yek ji serokên PKKê ku çend roj berê ku  gotibû;”bila Başûrê Kurdistan nebêje em rizgar bûn, bila parçeyên din ji me dûr bisekiniin, kes neyê bame, em livir rehet bijîn, jîyanekî wisa tune ye” bertekê nîşandan.

Hakîm Ûbêd a Endamê Civata Neteweyî ya Goranê ji K24 re axifîye;” Azadîya parçeyekî Kurdistanê xizmeta parçeyên dine jî. Divê kurdên parçeyên din bi rêya dîyalog û muzakereyan bigihîjin mafên xwe û  pirsgirêkên xwe çareser bikin”.

Enwer Husên a Endamê Mekteba Ragihandinê ya YNKê jî ji K24 re beyana daye û dibêje;”Beyanên Duran Kalkan xizmeta pêvajoya demokrasî û hizûra Herêma Kurdistanê nake”.

Duran Kalkan gotibû: ”bila Başûrê Kurdistan nebêje em rizgar bûn, bila parçeyên din ji me dûr bisekiniin, kes neyê bame, em livir rehet bijîn, jîyanekî wisa tune ye”.