Hat ragihandin ku li gundê Çiliya Jor ê navçeya Ebex a Wanê, li ser sînorê Rojhilat û Bakurê Kurdistanê kesekî bi navê Şefîk Baga hat kuştin. 

Li gorî zanyariyên gundiyan, li herêmeke nêzî gund dengê çekan hatiye û li ser vê yekê çûne cihê dengê çêkan û li wir rastî cenazeyê Baga hatine.

Cenazeyê Baga ji aliyê leşkeran bo Nexweşxaneya Dewletê ya Ebexê hatiye veguhestin. 

Li ser sînor gelek caran ji aliyê pasdarên Îranê û leşkerên tirk ve kesên bazirganiya sînor dikin, bi guleyan têne kuştin ku 16ê Tîrmehê jî kurê Şefîk Baga, Azat Baga dema sewalên xwe diçêrand gule lê ketibû û birîndar bûbû.

Dîsa 3yê Tebaxê d jî li heman gundî bavê 6 zarokan Îbrahîm Baykara (46) bi guleya leşkerên tirk hatibû kuştin.