Li gelek welatan hejmarên peketiyên vîrûsa koronayê dîsa zêde bûn. Rêxistina Tenduristiyê ya Cîhanê, derbarê mijarê de daxuyaniyek da û ragihand ku di 24 saetên dawîn de di zêdebûna hejmara pêketiyên vîrûsa koronayê de reqoreke nû çêbûye.

Rêxistinê, destnîşan kir ku 307 hezar û 930 kes bi vîrûsê ketine û ji destpêka pandemiyê ve ev hejmara herî zêde ye. 

Reqora beriya niha di 6’ê îlonê de hatibû şikandin û di rojekê de 306 hezar û 857 kes bi vîrûsê ketibûn. Niha hejmara pêketiyan ji 28 milyonan derbas bûye û nîvê van pêketiyan li bakur û başûrê Amerîkayê ne. 

WELATÊN KU HERÎ ZÊDE MIROV BI VÎRÛSÊ KETINE

Li Hindistan, Amerîka û Brezîlyayê herî zêde mirov bi vîrûsê ketine. Li gorî vê li Hindistanê 94 hezar û 372 kes, li Amerîkayê 45 hezar û 523 kes û li Brezîlyayê jî 43 hezar û 718 kes bi vîrûsa koronayê ketine. Li Amerîka û Hindistanê di seriya hezar kesî de mirov bi vîrûsê jiyana xwe ji dest dane û li Brezîlyayê jî di 24 saetên dawîn de 873 kesan bi vîrûsê jiyana xwe ji dest dane.  

Li seranserê Cîhanê di nav 24 saetên dawîn de 5 hezar û 537 kesan jiyana xwe ji dest daye û 917 hezar û 417 kes jî bi vîrûsê ketine.