Diyarbakır7 °C
Li Serê Kanîyê talana grubên çekdar ên ser bi Tirkîyê dewam e

Li Serê Kanîyê talana grubên çekdar ên ser bi Tirkîyê dewam e

Grubên çekdar ên bi artêşa Tirkîyê re êrîşî Rojavayê Kurdistanê dikin, mal û milkên welatîyan li bajarê Serê Kanîyê talan dikin.

A+A-

Navenda Nûçeyan- Rewangeha Sûrî ya Mafên Mirovan belav kir, grubên çekdar li bajarê Serê Kanîyê bi talan kirina mal û milkên xelkê berdewam in û gruba Ehrar El Şerqîyê, Cebhet El Şamîyê û Sultan Murad mal û milkên xelkê bajêr ên ji ber êrîşê koçber bûne talan dikin û kelûpelên di nava malan de didizin.

Rewangehê dîyar kir jî, ji dema derbasbûna artêşa Tirkîyê û grubên çekdar ji bajarê Serê Kanîyê re, mîna rewşa bajarê Efrînê lê hatîye û grubên çekdar rojane binpê kirinan di derheqê welatîyan de dikin û malbatên xelkê bîyanî di malên xelkê bajêr de bicih dikin.

Ji alîyê xwe ve, Serdozgerîya Komarî ya Tirkîyê berî çend rojan dîyar kiribû, li Girê Spî û Serê Kanîyê bi tometa endamtîya YPG û PKK 104 kes hatine binçavkirin.

Çavkanî: Basnews

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin