Li Sêrtê qedexe
Di çarçoveya operasyonên li dijî gerîlayên PKKê de, hikûmeta Tirkîyê li 15 gundên parêzgeha Bedlîsê ya Bakurê Kurdistanê qedexeya derketina derve ragihand.
A+A-
Navenda Nûçeyan - Walîtîya Bedlîsê di derbarê mijarê de daxuyanîyek belav kir û ragihand, ku qedexe ji îro Înê ve dest pê dike û heta derxistina biryareke nû berdewam dike.
Walîtîyê ragihandîye, li her 15 gundên Sîyamîr, Sales, Hacîyan, Alekan, Kiryas, Çanges, Boblesur, Kancas, Horîntus, Karwan, Kuta Kesanê, Çemê Xanî, Varşin û Simbanê heta fermanekî nû derketina derve hatîye qedexekirin.
Di daxuyanîyê de amaje bi wê yekê hatîye kirin, ku dê li wan gundan li dijî PKKê operasyon bêne pêkanîn û daxwaz ji xelkê deverê hatîye kirin, ku pabendî qedexeyê bin.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin