Navenda Nûçeyan- Li Başûrê Kurdistanê, şêwaz û şeklên nerazîbûna li dijî êrişên Tirkîyê li ser kurdan bi taybet kurdên Rojavayê Kurdistanê roj bi roj berfirehtir dibin.

Ev demek de xelkê Başûr dest bi baykotkirina eşyayên tirkî kirine û ew kempên roj bi roj mezin dibe.

Duhî li bajarê Kelarê kempêna baykotkirina eşyayên tirkî dest pê kir, îro jî li bajarokê Seyîd Sadiq yê Silêmanîyê kempênek bo baykotkirina tişt û eşyayên tirkî dest pê kir.

Kempêna han ji alîyê grûba bi navê “Şem” hatîye destpêkirin. Endamên wê kempênê dibêjin, bi belavkirina belavokan ew xelkê bajêr teşwîq dikin ku êdî tiştên tirkî nekirin û bikar neînin, ji ber ku kirîna tiştên tirkî dibe sebeba wê yekê ku topek zêde li ser kurdan were barandin.

Çavkanî: Basnews