Li parêzgeha Şirnexê ya Bakurê Kurdistanê di encama şerê di navbera hêzên artêşa Tirkiyê û hêzên PKKê de 3 leşkerên Tirkiyê hatine kuştin û leşkerek jî birîndar bûye.

Parêzgariya Şirnexê di daxuyaniyekê de ragihandiye, li navçeya Silopî ya Şirnexê, di navbera leşkerên Tirkiyê û hêzên PKKê de şer derketiye.

Di daxuyaniyê de hatiye ragihand ku di encama wî şerî de, 3 leşkerên Tirkiyê hatine kuştin û leşkerek jî birîndar bûye.

Li aliyê din Wezareta Nevxwe ya Tirkiyê jî daxuyaniyek belav kir û aşkere kir ku di operasyoneke asmanî de li Şirnexê gerîlayekî PKKê canê xw ji dest daye.

Li bajarên Colemêrg, Şirnex û Wanê yên Bakurê Kurdistanê operasyonekî berfireh ya leşkerî ji aliyê artêşa Tirkiyê ve hatiye destpêkirin.