Li navçeya Hezexê ser bi parêzgeha Şirnexa Bakurê Kurdistanê şivanekî 23 salî li gundê Barimê bi awayekî ku gule li serî dane kuştî hate dîtin.

Li gundê Barimê ser bi Hezexê şivanê bi navê Hasan Bozkurt yê 23 salî ku bi armanca pezê xwe bi çêrîne derketiye dervî gund kuştî hate dîtin.

Gundiyan termê Bozkurt  5 kîlometre dûrî gund û bi awayekî ku gule li serî dane kuştî dîtine. Li ser agahdarkirina gundiyan tîmên jenderme û tendûristiyê hatine cihê bûyerê û lêkolîn kirine.

Piştî lêkolînê termê Hasan Bozkurt bo Nexweşxaneya Hezexê ya Dewletê hatiye veguhestin.

Li gor agahiyên hatine dayîn derbarê bûyerê lêpirsîn hatiye destpêkirin.