Li gor medya Tirkiyê, îro Sêşemê serê sibehê Hêzên Antîterorê ser bi Rêveberiya Polîsên Stenbolê li 10 bajarokên Stenbolê operasyoneke hevdem birin ser 28 navnîşanan.

 

Di operasyonê de 23 kes bi tohmeta ku dê di 27ê Mijdarê salvegera damezrandina PKKê de çalakiyan bikin, hatin desteserkirin.

 

Hat ragihandin ku kesên hatine desteserkirin, ji bo lêpirsînê bo Şûbeya Rûbirûbûna Terorê ya li ser Cadeya Vatanê hatine şandin.

 

Di heman demê de li bajarê Konya yê Tirkiyê jî 8 kes bi heman tohmetan ji aliyê hêzên ewlekariyê ve hatin girtin.