Bi munasebeta 116 saliya rojbûna rêber û lehengê Kurdistanê Mele Mustafa Barzanî, li Stockholmê civîneke bibîranîn hat kirin. Civîn ji aliyê PDK-Iraq hat amade kirin.

Civîn bi xêr hatina mêvanan destpêkir. Ji bo giyanê pak yê Barzanîyê nemir beşdarên civînê deqeyek rawestiyan. Li ser navê Komîteya PDK-Iraq axaftin hat kirin. Ahmet Kakemendî û Dr. Azad Onen li ser jiyan û rola Mele Mustafa Barzanî nîv konferansek pêşkêş kirin.

Di civîna bîranînê de nûnerên partiyên siyasî, gelek rewşenbîr û kesayetîyên civata Kurd li Swêdê beşdar bûn. PAK jî bi wefdek beşdarî civîna bîranînê bû û peyamek da Komîteya amadekar.

Ji bo komiteya PDK-I li Swêdê;

Em wek PAK roja ji dayikbûna Mela Mistefa Barzanî pîroz dikin.

Jiyana wî bi têkoşînek bê hempa hatiye xemilandinê. Ew bi tevgera xwe ya welatparêz bû qehremanek netewî û sembolek gelek bi rûmet di dilê gelê Kurd de. Ew îdola xort û keçên kurd, yên ku di rêya azadiya gelê Kurdistanê de xebatê berdewam dikin, e.

Divê, em tevgerên kurd, bi dilsozî û fedekarî, bi niyetek paqij û hestên netewî li doza gelê xwe xwedî derdikevin da ku em karibin rêça Barzanî bi serkeftinên kurd û Kurdistanî bixemilînin.

Em, wek PAK-liqê Swêdê, ji ber pêkanîna vê civîne we pîroz dikin û serkeftina wê dixwazin. Mela Mistefa Barzanî nayê jibîrkirinê.

Bijî azadiya Kurdistanê!

Partîya Azadîya Kurdistanê                                                                                          2019 03-17

PAK-Swed