Fermandariya Navendî ya Amerîkayê ragihand, di encama ketina helîkopterekê li bakurê rojhilatê Sûriyê de, 22 leşkerên Amerîkî birîndar bûne.

Fermandariya Navendî ya Amerîkayê di daxuyaniyekê de ragihand, roja 11ê Hezîrana 2023an helîkopterek li bakurê rojhilatê Sûriyê keta xwarê, di encamê de 22 leşkerên Amerîkî birîndar bûne.

Di daxuyaniyê de hat gotin, 10 ji birîndaran ji bo navenda çavdêriyê ya li derveyî qada berpirsyariyê ya Fermandariya Navendî ya Amerîkayê hatine veguhastin.

Fermandarîya Navendî ya Amerîkî got: “Lêkolîn li ser sedema bûyerê tê kirin, her çend e ti êrîşeke dijminahî nehatiye kirin.”