Wezareta Tendirustiyê ya Tirkiyê amarên 17ê Îlonê yên vîrûsa koronayê (Covid-19) belav kir.

Li gor daxuyaniyê, li Tirkiye û bakurê Kurdistanê di 24 demjimêrên borî de 1648 kesên din bi vîrûsa koronayê ketine û hejmara nexweşan gihiştiye 298 hezar û 39 kesan.

Herwiha di 24 demjimêran de 1143 kes baş bûne û hejmara kesên heta niha ji Covid-19ê rizgar bûne, gihiştiye 263 hezar û 745 kesan.

Fahrettin Koca, Wezîrê Tendirustiyê yê Tirkiyê li ser hesabê xwe yê Twitterê ragihand: "Heta niha nêzîkî 9 milyon test hatin encamdan. Îro 1648 nexweşên me yên nû hene. Rawestandina zêdebûna hejmara nexweşên giran û mirinan, di destê me de ye. Eger em hemû bi hev re pabendî tedbîran bibin, emê bi ser bikevin. Bi pabendbûna tedbîran, hêza artêşa me ya tendirustiyê zêde bikin.”