Navenda Nûçeyan- Li gor daneyên Platformê, di 11 mehên 2019ê de jî herî kêm 430 jin li Tirkîye û Bakurê Kurdistanê hatine ‎kuştin. Herî zêde li bajarên Tirkîyê. Di Mijdarê de kuştina 11 jinan wek “mirina biguman” hatîye ‎tomarkirin, 19 jin jî nayê zanîn ji ber çi hatine kuştin, 4 bi hincetên aborî hatine kuştin û 5 jin jî li ser ‎meseleyên cudabûn, qebûlnekirina lihevhatinê yan redkirina daxwaza hevaltîyê hatine kuştin.‎

‎11 jin nayê zanîn ji alîyê kê ve hatine kuştin, 11 ji alîyê hevjînên xwe ve, 2 ji alîyê hevjînên xwe yên berê ‎ve, 1 ji alîyê hevalekî xwe yê berê ve, 4 ji alîyê bavên xwe ve, 3 ji alîyê xizm û nasan ve, 2 ji alîyê kurên ‎xwe ve, 1 ji alîyê birayê xwe ve û 4 ji alîyê hevalên xwe yên ligel hev bûne hatine kuştin.‎

Li gor heman raportê, 13 jin bi çekan, 8 bi kêran, 5 bi lêdanê, 3 bi maddeyên kîmyayî, 3 ketina ji ‎devereke bilind, 1 xeniqandin, 1 bi maddeyên kîmyayî û ketina ji devereke bilind hatine kuştin. 5 jin jî ‎nayê zanîn ka çawa hatine kuştin.‎

Jin bi piranî li malên xwe hatine kuştin. 30 jin di malên xwe de, 1 di nav otomobîlê de, 2 li nav kolanê ‎hatine kuştin. 2 jin li nav daristanê, laşê 1ê li ber peravên deryayê hat dîtin, 2 jin jî nayê zanîn li ku ‎hatine kuştin.‎