Ji ber barîna berfê Li Wan, Bedlîs, Colemêrg û Mûşê rêya 821 gund û taxan hatine girtin.

Hatiye diyarkirin ji ber barîna berfê li bajarê Wanê rêyên gelek gund û taxan hatine girtin.

li Şaxê, navçeya Wanê rêya 124 tax û gundan, li Mîksê rêya 70 tax û gundan, li Payîzaxayê rêya 44 tax û gundan, li Erdîşê rêya 12 tax û gundan, li Payîzawa rêya 30 tax û gundan, li Rêya Ermûşê rêya 5 tax û gundan, li Bêgiriyê rêya 60 tax û gundan, li Tuşbayê jî rêya 5 tax û gundan hat girtin.

Colemêrg

Li Colemêrgê û navçeyên wê jî ji ber berfê di çûyîn û hatinê da pirsgirêk çêbûne.

Li gor agahiya Îdareya Taybet a Bajêr li navenda bajêr û navçeyan rêya 22 gundan û 52 mezreya hatine girtin.

Mûş

Şeyhmûs Yentûr, Sekreterê Giştî yê Îdareya Taybet a Bajêr diyar kiriye ku li navenda Mûşê û navçeyan rêya 17 gundan, li Dêrxasê rêya gundekî, li Ezabkûrê rêya 10 gundan, li Kopê rêya 55 gundan, li Milazgirê rêya 65 gundan û li Gimgimê jî rêya 3 gundan hatine girtin.

Yenturî gotiye ku ew hewl didin 151 rêyên girtî vekin û ji bo welatî birehetî çûn û hatinê bikin ewê xebatên xwe bidomînin.

Bedlîs

Umît Kurtkan, Rêvebirê Xizmetên Rê û Gîhandinê ya Îdareya Taybet a Bajarê Bidlîsê diyar kiriye ku 224 rê ji ber berf û bagerê hatine girtin.