Navenda Nûçeyan -Tevî hatina werzê Havînê, li cihên bilind ên navçeya Elbakê ya parêzgeha Wana Bakurê Kurdistanê, xebatên vekirina rêyên ku ji ber berfê hatibûn girtin hîn jî berdewam in. 

Rêya taxa Dalîya jorîn ku 40 km dûrî navçeya Elbakê ye, ji ber berf û aşûta ku berîya 20 rojan ketibû hatibû girtin. 

Xebatên vekirina rêya taxa navborî ku ji ber metirsîya ketina aşûtê, hatibû sekinandin, berîya 3 rojan ji nû ve hat destpêkirin.

Karmendên ser bi nivîsîngeha çêkirina rêyan a şaredarîyê, rêya ku bilindahîya berfê makîneyên paqijkirinê derbazdikir, vekirin.