Sînemakara Kurde Lîsa Çalan Festîvalê Keralayî Mîyannetewî yê 26inî de Xelata Ruhê Sînemaye ya Serre girewte.

Lîsa Çalan xelata xo bi nameyê ê kesanê ke hêrişanê Daîşî de merdê girewte. Lîsa va, “Cinîyanê Kurdan vera barbarîya Daîşî menîfesto nuşte, na manîfesto ewro îlham dana pêro dinya”. Lîsa eynî wext de mêmana rumetî ya festîvalî bîye. Xelata aye bi destê serekwezîrê Keralayî dîyaye aye. Lîsa wexto ke vejîyaye sehneyî ser, her kes pay ra çapikî kuwayê. 

‘Ez aşiqê huner û azadîye ya’

Lîsa Çalan qiseykerdîşê xo de va, “Ez Mezopotamyaya qedîme de ameya dinya. Ez cinîyêka Kurd a. Ez aşiqê huner û azadîye ya. Ez bi nameyê xo û bi nameyê şarê xo şima bi hurmet û heskerdişî silam kena.

Leyla Qasim, Sakîne Cansiz, Sevê-Pakîze-Fatma, Arîn Mîrkan, Rosa Luxsemburg, Simone de Beauvoir, Wayê Mirabelî, Clara Zetkîn, Dadîyê Şemeyî, Dadîyê Plaza De Mayoyî vera pederşayîye, îstîsmar û şerî xo ver da. Ez pêro hemrayanê xo bi hurmetî ya yad kena.” Festîvalî de fîlmê Lîsa Çalane yê ‘Ziwanê Koyan’ ame mojnayene.

JINNEWS