Serokê Peroyî yê Partîya Welatparêzanê Kurdistanî (PWK) Mustafa Ozçelîk:

Ma erey nêmendê, Bêne ma Namzetanê Xo Pîya Tespît Bike, Ma Bajaranê Xo Pîya Îdare Bike!

31ê Adara 2024î de do Bakurê Kurdistaanî û Tirkîya de Weçînayîşê Şaredarî bêro kerdene.

Eke ma tecrubeyanê weçînayîşanê herêmîyan ê verênan bigîre çiman ver, ma eşkenê pê ray û raybazêko newe weçînayîşî rê xo hadre bike, û ganî ma xo hadre bike.

Bi nê armancî, ma eşkenê Bakurê Kurdistanî de, heme şaristan, qeza û nehîyeyan de namzetê şaredarîyan û namzetê meclîsê şaredarî goreyê lazimtîya ê her bajar û qeza, hareket û grubên sîyasî, pêro dezgeyê sîvîlan, meslekî û komelkî, komeleyê mehelî, sendîqa, rîsipîyî, serekê ke verî karê şaredarî kerdê, endamê meclîsî, encumenan ê wayirê tecrubeyan, perwerdekar, akademisyen, pisporê rayberîye yê şaredarîyan, pisporê plan û dorûverî, zanayê tarîxî, zanayê kultur û ziwanî, hûqûqnasî, ekonomîstî û sosyologî, ma platforman awan bike.

Nê platformê herêmî, goreyê nê prensîp û hişmendî, rayberîya herêmî yê ke cêr de ma nîşan dayê, eşkenê verendamanê şaredarîyan tespît bike û mîyanê nê verendaman de zî nemzeto ke bieşko şaredarîyan îdare biko, biweçîne.

Namzeto hempar gere wîna bo ke, derheqê ey de tu şaîbe çîne bo, kesêko naskerde, qebûlbar bo. Gere goreyê şerd û rastîyanê taybet yê her şaristanî û qeza yê etnîkî, dînî, mehzebî, komelî, kulturî, namzeto ke şaredarîyêka demokratîke, heme heq û azadîyan rê hurmet biko û şaredarîya zafziwanî û zafkulturî qebul biko. Gere bi hawayêko akerde, şefaf, bêşaîbe hetê merdimanê ê bajarî ra bêro weçînitiş, bibo namzet.

Bajaranê Bakurê Kurdistanî de şaredarî gere nasnameyê kurdî û ziwanê kurdî bi hawayêko resmî qebûl bikê. Gere nameyê bajaran, qezaya û heme ca û warê bi kurdî, bi tirkî dir pîya bêrê xebitnayîş. Ganî şaredarîyê ma bi hawayêko aktîf bixebitê ke, perwerdeyîya bi ziwanê kurdkî (kurmancî û kirdkî-zazakî), heqê azadiya fikrî, dînî, bawerî, xorêxistinkerdiş û xoîfadeketdiş Qanûnê Esasî de bêrê qebûlkerdiş û qanûnanê eleqedar de bêrê karantîkerdiş; cayê mezelê Şêx Seîd, Xalid Begê Cibrî, Seyîd Riza, Seîd Nûrsî û heme kesayetîyê Kurd yê ke cayê mezelê înan bewlî nîyê, hetê Dewleta Tirkîya ra bêrê aşkerekerdiş. Yan zî Ango di rayberîyanê şaredarîyanê bajaranê Kurdistanî de, ganî zafziwanî, zafkulturî, zafrengî, zafvengî, şefafî, û pîyaxebitanîş bibê prensîbê esasî. No eşkîyeno bibo protokolê ma yo siyasî yo wertax ke ma bieşkê bi îradeyê pêrûna pêyameyanê Kurdistanî bingehê îdareyê bajarê xo awan bike.

Sîyasetê Dewleta Tirkîya yo tayînkerdişê qeyûman û destronîyayîşê ser îradeyê şarî bi tu hawayî nêno qebûl kerdiş; qeyûm çîne hesibnayîşê îradeyê şarê nê bajarî yo. Helbet ke, heqê her partî yo ke bieşko bi serê xo beşdarê weçînayîşan bibo. La gorê ma, yo tewe rast, her dînamîgê nê bajarî bieşko programêko hempar ser o namzetanê xo pîya tespît biko. La aşkereyo ke, tesbîtkerdişê namzedê şaredaran de, ganî tu kes namzedo ke nê bajarî ra nîyo û zaf zimanî, zafdînî, zaf mezhebî, zaf kulturîya nê bajarî rê hurmet nêkeko kesî ser ferz nêkero û gere rayîr akerê ke bi hawayêko hempar, azad û demokratîk namzed bêrê tesbît kerdiş.

-Bi tesbît kerdişê namzedanê hempîyayan, bi têreyde îdare kerdişê bajaranê xo, ma eşkenê bingehê xoîdarekerdişê îdarekerdişê kurdan awan bikê-

Ma eşkenê weçînayîşê şaredarîyan yê 2024î destpêkê awankerdişê bingehê ”Şerdê Xoseserîya Rayberîya Herêmî ya Ewropa”; bi nê vîr û bawerîye ma eşkenê siyaset û xebatêka weçînayîşî ya bi hîra û hempîya biramne û ganî ma biramnê zî. Şaredarîye ke bi şîarê, ’’Bêne Ma Namzedanê Xo Bi Pîya Tesbît Bike, Ma Bajarê Xo Bi Pîya Îdare Bike!’’ potansîyelê tewr hîra ya cimatî rê wayîr vejîyo de, babetê perwerde, sihet, komel, dînî, mezhebî, xizmetê dînî, mezhebî û şaredarî de projeyê pîlî eşkîyenê bêrê viraştiş; eşkîyenê bingehê xo bi xo îdare kerdişê kurdan bêro awankerdiş.

No perspektîfo ke bi şîara, ’’Bêne Ma Namzedanê Xo Bi Pîya Tesbît Bike, Ma Bajarê Xo Bi Pîya Îdare Bike!’’ma pêşnîyaz kenê, hetêk ra vera nê îhtîmalo ke Dewleta Tirkîya qeyûman tayin kena ser şaredarîyan zî, do wazîfe û rolêko tewr xurt û bi tesir yê pawîyayîşî kay biko.

Îhtîmalo ke qeyûm şaredarîyan ser o bêro tayînkerdiş de, potansîyelê tewr hîra o sivîl, sîyasî, meslekî, demokratîk, komelkî do namzeddanê xo yê gorî nê pêşniyarîya ma, ser esasê çerçiwayêka sîyasî û programêkê xebate ya bi hawayêkî hempîya bêrê kifşkerdiş wayîr vejîyê; Dewleta Tirkîya zî do sey nika do nêeşko bi hêsanî qeyûman tayînê ser şaredarîyan biko.

Eger namzed bi îradeyê potansîyelê tewr hîra yê cimatî bêro aşkere kerdiş, bi destê ê potansîyelê hîrayî, bi hêzê sehezaran, do bingehê pawitişê destfînayîşanê şaredarîyan zî xurtêr bibo.

Ma veng dane heme dezgehanê sivîl, partî, hereket û grûbanê sîyasî û kesayetê qebûlbar yê bajarê xo ke semedê destpêkê prosesêkêw wînayênî ma pîya reyde gaman bierzê!

Bêne ma bajaranê metropolanê Tirkîya êyê ke nifûsêko zêde kurdî tede cuyenê de, ma Platformanê Herêmî yê Kurdan (Platformê Kurdanê Îstanbulî, Platformê Kurdanê Îzmîrî, Platformê Kurdanê Mêrsînî û ûsb.) awan bike

Bajaranê metropolanê Tirkîya êyê ke nifûsêko zêde tede Kurdî cuyenê de, ma ma eşkenê, bi beşdarîya dezgehanê sivîl, partî û grûbê sîyasî yê kurdan, temsîlkarê cinî û ciwanê kurdan, karsaz û heme pêameyanê cimatî, kesayetanê qebûlbar ê kurdan platformanê herêmî awan bike.

Nê platformê herêmî, derheqê ziwan û kulturê kurdî, heq û azadîyan, perwerde, sihet, piştîdayîye, wayîrvejyayîşê mîyanê kurdan de, bajaranê metropolan de eşkenê wazîfe û rolê sey Organîzasyonê Temsîlê Kurdan kay bikê. Eşkenê deme weçînitişan de sey hetê kurdan bi hemê partîyanê sîyasî reyde pêvînayîşan bikê, ser esasê qebûl kerdişê waştişanê kurdan eşkenê hekarîyanê weçînayîşî bîyarê ca. Heto bîn ra eşkenê bi namzedanê xo zî beşdarê weçînayîşan bibê.

Platformêê Herêmî yê Bajarê Metropolanê Tirkîya, helbet ke gere tena semedê weçînayîşan kar nêkê, sey aktorêko bi tesêr û mandene, eşkenê bajaranê metropolan de zî wazîfe û rolê Organîzasyonê Temsîlê Kurdan kay bikê.

Belê, bi nê vîr û bawerîye, weçînayîşê şaredarîyan yê 2024î de, semedo kema pîya, helwestêka hempîya aver bibe, ma na pêşniyarî û fikrê xo bi dezgehanê sivîl, partîyanê sîyasî û kesayetan reyde pare kerd, ma na xebata xo rê dewam bike.

Ma veng danê heme dezgehanê sivîl, partî, hereket û grûbanê sîyasî û kesayetanê qebûlbar yê bajaranê xo ke, bi armancê ma bieşkê semedê sibarojê xo rîpelêko new ake, bi şîarê ’’BÊNÊ MA NAMZEDANÊ XO PÎYA TESBÎT BIKE, MA BAJARANÊ XO PÎYA ÎDARE BIKE!’’ ma pîya gaman bierze!

Semedê gamêka wîna ma hema zî nêmendê!

03.02.2024

Mustafa Ozçelîk

Serokê Peroyî yê Partîya Welatparêzanê Kurdistanî (PWK)