Wezîrê Karên Derve yê Elmanyayê Heiko Maas, di Civîna Wezîrên Karên Derve yên Yekîtiya Ewropayê ya ku li Viyanayê hate lidarxistin de, li ser serdana Tirkiyê axivî û got ku ew ê rewşa welatiyên Elmanyayê ku li Tirkiyê girtî ne bixe rojevê, ev pirsgirêk divê bêne çareserkirin û bo asayîkirina têkiliyan ew ê bibe pengavek. 

Maas wisa dewam kir: Elmanyayê bi eşkere anî zimên ku ji aliyê Elmanyayê ve nayê qebûlkirin welatiyên Elmanyayê hin ji wan îdîaname jî di derbarê wan de nîne girtî ne. Divê Tirkiyê şert û mercên bo asayîkirina têkiliyan bi cih bîne. Ev mijar dê bibe rojeva serdanê.

Tê zanîn ku Serokomarê Tirkiyê Recep Tayyip Erdoğan, 28-29a Îlonê de wê serdana Elmanyayê bike. Çavlirê ye Erdoğan wê daxwaza alîkariya aborî ji Elmanyaye bixwaze lê, ji daxuyaniyan zelal e niyeta Elmanyayê tune alikariya aborî bide Tirkiyê û wê hin daxwazên siyasî bo asayîkirina têkiliya di navbera Tirkiye û Ewropayê de bike.

Tê zanîn, Rojnamevan Deniz Yücel û Meşale Toru, Mafnas Peter Steudtner jî tê de, 50 welatiyên Elmanyayê li Tirkiyê girtî ne û hin ji wan bêyî îdanameyê hatine girtin.

Her wiha Erdoğan dixwaze di serdana Elmanyayê de ji girseya tirk re biaxive û berpisên AK Partiyê formulek jê re digerin. Lê berpirsên Elmanyayê bo vê yekê ne razî ne.