Meclîsa Beledîyeya Dêrsimî vizêr qerar girewtbî ke tebeleya Beledîyeya Dêrsîmî ke ser o ‘Tunceli Beledîyesi’ nusîyaya bivurno û biko ‘Şaredarîya Dêrsimî.

Meclîsa Beledîyeya Dêrsimî vizêr qerar girewtbî ke tebeleya Beledîyeya Dêrsîmî ke ser o ‘Tunceli Beledîyesi’ nusîyaya bivurno û biko ‘Şaredarîya Dêrsimî. La nijadperestê Tirk û dişmenê Dêrsimî vizêr ra nat fek erzenê Beledîyeya Dêrsimî û wazenê wa namê ‘Tunceli’ sey verî bimano. Serekê Beledîyeya Dêrsimî Fatih Mehmet Maçogluyî na mesela ser o qisê kerd û va: Namê Dêrsimî serranê 1937-1938î de, qetlîamê Dêrsîmî de amo vurînayîş û bîyo Tuncelî. Nameyo rastikên ê nê bajarî Dêrsim o. Tuncelî nameyê înkarî yo, aye ra ma tabelaya Tuncelî wedarit û Dêrsim aliqna.”

Serekê MHP Dewlet Bahçelî zî vizêr na mesela ser o tehdîd kerbi û vatbi: “Cayêko bi nameyê Dêrsimî çin o. No qerar do xizmetê perçebîyayîşê Tirkiya bikero.

Meclîsa Beledîyeya Dêrsimî vizêr qerar girewt ke tebeleya Beledîyeya Dêrsîmî ke ser o ‘Tunceli Beledîyesi’ nusîyaya bivurno û biko ‘Şaredarîya Dêrsimî. Qerarê Meclîse de wina amebi vatiş: Ma qerar dayo ke tebelaya beledîye ser o herinda ‘Tunceli’ de ‘Dêrsim’ bêro nuştene. No qerar, gorê qîmet û kulturê Dêrsimî amo dayene. 

Meclîsa Beledîyeya Dêrsimî qerarêko bîn de qerar da ke emser Festîvalê  Xoza û Kulturî organîze bibo.Meclîsa Beledîyeya Dêrsimî yewna qeraro muhîm girewt ke xizmetê beledîye do ewro ra tepîya bi Kurdkîya Kurmancî û Zazakî bêrê dayene.