Serokkomarê Fransayê Emmanuel Macron li New Yorkê ku bo beşdariya civîna NYê çûbû, civîneke çapemeniyê lidarxist.

Emmanuel Macrin di vê civînê de di derbarê rewşa Rojavayê Kurdistanê û helwesta Tirkiyê de axivî. Macron ragihand ku Kurdên Sûriyê rastiyeke wî welatî ne û got ku divê rewş û pozîsyona Kurdan li ber çav bê girtin.

Serokkomarê Fransayê diyar kir ku li Sûriyê pêwîst e destûrek bê çêkirin ku hemû pêkhateyên li wî welatî cih tê de bigirin û diyar kir ku li Sûriyê çareseriyeke ku him Kurdan û him Tirkiyê kêfxweş bike pêkan e.

Macron wiha axivî; “Çareseriyeke ku Kurd jî di nav de bin mumkun e, lêdivê ev prose ne li dijî ewlekarî û berjewendiyên Tirkiyê be û divê ev yek jî li ber çav bê girtin. Ev gele zelal e dema ku me behsa Kurdên Sûriyê kir helbet ji zehmetiyên li holê yek jî ev e.”

Hêzên serbazî yên Fransayê li Rojavayê Kurdistanê ligel Hêzên Sûriya Demokratîk şerê DAIŞê dikin.