Li Brûkselê li perawîza Lûtkeya Yekîtiya Ewropa, Serokê Fransayê Emmanuel Macron ji K24ê re ragihand, ewê serdana Herêma Kurdistanê bike.

Di pirsa peyamnêrê K24ê de, ma bi sedema hilbijartina Serok û destnîşankirina Serokwezîrê Herêma Kurdistanê, Serokê Fransayê Emmanuel Macron dê serdana Herêma Kurdistanê bike, Macron ragihand, “Belê, bi niyaz im di dawiya îsal de serdana Herêma Kurdistanê û Iraqê bikim.”

Fransa yekem welatên bihêz ên cîhanê bû, piştî bûyerên 16ê Cotmeha 2017an piştevanî li pêgeha Herêma Kurdistanê û hikûmeta wê kir û daxwaz kir, pirsgirêkên di navbera Herêma Kurdistanê û Bexdayê de bi guftûgoyê bêne çareserkirin.