Serekkomarê Fransa Emmanûel Macron, kombîyayîşê welatanê Yewîya Ewropa yê Behra Spî ra pey qisey kerd û îzah kerd ke ê do Ewropa de vera Tirkîya xebate bikê.  

Welatê Yewîya Ewropa (YE) ke sînorê înan Behra Spî de esto, bi organîzatorîya Fransa de Korsîka de kom bîy. Welatê sey Fransa, Îtalya, Îspanya, Malta, Portekîz, Yewnanistan û Qibris zî beşdarê kombîyayîşî bîyî. Kombîyayîş de bîyayîşê peyênî yê Rojhilatê Behra Spî ser o ame qiseykerdene.

Kombîyayîşî ra dima Serekkomarê Fransa Emmanûel Macron beyanatêk da. Macronî va: Ma do Ewropa de semedê bewlîkerdişê helwestêka hempare ya vera Tirkiya xebate bike.   

Serekkomarîya Fransa ra îdarekarêk AFP’yî rê qisey kerd û va: armancê ma no yo ke ma kenê ke yewîya Ewropa 24-25’ê îlone de kombîyayîşêko hîra virazo, welatê YE’yî wa vera Tirkiya xebatêk bide destpêkerdiş û Tirkîya vindarnê.