Kovara frensî ya bi navê Le Pointi piştî di serrûpelê xwe de ji bo Erdogan peyva ‘dîktator' bikar anî rastî tehdîdan hat.

Macron piştgirî da kovarê û ragihand ku êrişa ser kovarê nayê qebûlkirin, azadiya çapemeniyê tiştêkî bêbûhaye.

​Li gor nûçeya BBC Tirkî, alîgirên Erdogan li Fransayê kovara Le Pointi tacîz kirin û hewldan xebatkaran bitirsînin. Serokomarê Fransayê derbarê bûyerê de daxuyaniyek belav kir. Macron di tweeta xwe de got: "Azadiya çapemeniyê tiştekî bêbûhaye. Bê wê dîktatoriyet e."

​Berdevke Serokomarê Tirkiyeyê Îbrahîm Kalin jî ji bo kovarê gotibû: "Kovara frensî ji Erdogan re gotiye dîktator. Em dizanin armanca wan çi ye. Millet û xelkê mezlûm her tiştî dibîne. Rojên ku Tirkiye dîrektîf ji we digirtin li paş man. Bi gotina ‘dîktator' hûn nikarin wan rojan paşve bînin.