Navenda Nûçeyan- Malpera Brîtanî ya “Middle East” ragihandîye, Amerîka dixwaze sunnîyên Iraqê cihê bike û ji wan re herêmeka sunnî ava bike.

Di raporta wê malperê de hatîye gotin, Amerîka dixwaze vê yekê bi rêka serokê sunnî yê parlementoya Iraqê Mihemed Helbûsî bike.

Wê malpera Brîtanî daye zanîn, piştî ku şîeyên Iraqê daxwaza derxistina hêzên Amerîkî ji Iraqê kirin, Amerîka hest bi wê yekê kir ku hejmûna wî welatî li Iraqê lawaz bûye loma dest bi xebat û hewlên avakirina herêmeka sunnî kirîye.

Di şiroveya malpera Middle East de hatîye gotin, Amerîka di wê bawerîyê de ye ku bi avakirina herêma sunnî li Iraqê, pêşîya zêdegavîyên Îranê jî tê girtin û êdî Îran nikare bi hêsanî ji Iraqê derbasî Sûrîyê bibe, çimkî ew herêm dê li rojavayê Iraqê û li ser sînorê Iraq û Sûrîyê were avakirin.

Basnews