Roniştişê dewaya Mayanê Şemeyî yo verên ewro ameye kerdene. Mayanê Şemeyî vat: ''Ganî herinda ma de Înanê ke merdimê ma vînî kerdî ê bêrê muhakemekerdene.''

Dewleta tirke hewteyê 700. de hêrişê Mayanê Şemeyî kerdbi û 46 kesî destbend kerdbi. Vera Mayanê Şemeyî seba çalakîya înan a roniştişî dewleta tirke dewa akerdbî. Roniştişo verên ê dewa ewro ame kerdene.

Mayanê Şemeyî verê Edlîyeya Çaglayanî e verî ke roniştiş dest pê bikero eşekrayîye daye. Mayan vat: ''Ganî herinda ma de Înanê ke merdimê ma vînî kerdî û ê ke qetilkeran pawenê ê bêrê muhakemekerdene.''

Xeylêk Mayê Şemeyî, parlamenterî û avûkatî tewrê ronişişî bîyî.  Roniştişî de verî Hemserekê ÎHDyî Ozturt Turkdoganî semedê beraatî beyanat da heyetê mehkeme. Turkdoganî pêvînayîşê Dayîke Berfo yê Erdoganî ke serekwezîrê dewrî bi ard vîrî û bale ante muşruyîya çalakîya mayan ser. Dima ra merdimanê Şemeyî qisey kerd ard ziwan ke ê sûcdar nê mexdur û heqdar ê ke bi metodanê meşruyan wazenê ke wa merdimê înanê ke ameyî vînîkerdene bêrê vînayîne û sûcdarê bêrê cezakerdene.

Heyetê mehkeme badê pawitişan roniştişo bîn 10ê temmuze re pey de eşt.