Merkezê Xeberan- Fermandarê Pêroyî yê HSD Mazlum Kobanî aşkere kerd ke,Rojavayê Kurdistanî de 3 hezar û 286 kesî vindîbîyaye yê. Kobanî da zanayîş ke ê do derheqê sucê ke ameyî kerdene de Komîteya Cigêrayîşî awan bikerî.

Fermandarê Pêroyî yê Hêzê Sûrîyeya Demokratîke (HSD) Mazlum Kobanî hesabê xo yê Twiterî ser ra aşkere kerd ke, Rojavayê Kurdistanî de 3 hezar û 286 kesî vindîbîyaye yê û hetê çekdaranê cîya-cîyayan ra ameyê remnayîş. Kobanî da zanayîş ke aqûbetê nê kesan nêno zanayîş û ê do derheqê sucê ke ameyî kerdene de Komîteya Cigêrayîşî awan bikerî.

Kobanî dewamê qiseykerdişê xo de wina va: “Têkoşînê seba vindîbîyayeyan, berpirsîyarîyêko qanûnî û exlaqî yo ke keweno milê ma heminan ser. Herêma ma de 3 hezar û 286 kesî vindîbîyaye yê. Nê kesî Kobanê, Efrîn û Cizîrî ra ameyî remnayene. DAIŞ 544 kes, komê îtîlafê watanî yê Sûrîye 2 hezar û 368 kes û cihadîstê emnî yê rejîmê Sûrîye zî 374 kesî ramnayî. Do derheqê sucê ke ameyî kerdene de Komîteya Cigêrayîşî bêra awankerdene. Netîcetê cigêrayîşan do demêko kilm de rayapêroyî reyde bêro eşkerakerdene.”