Merkezê Xeberan

Brett McGurko ke wextê Barack Obamayî de Temsîlkaro Taybet ê Koalîsyona verba DAÎŞ'î bi û par dimayê qerarê Trumpî seba peyserancîyayîşê Sûrîye ra îstîfa kerd, bi hewayêkê wişkî Turmp rexne kerd.

McGurkî eşkerayîya Qesra Sipîye ya vizêrêne rexne kerde ke tede ame vatene ke yewîyê Amerîka Vakur û Rojakewtena Sûrîye ra ameyî peyserancîyayene û va: "Donald Trumpî serfermandar nîyo. Verê ke xeberan bigêro û bierşawo bi hewayêkê bêfikrî qeraran gêno, personalanê leşkerîye keno binê tehlûkeyî. Vengê xo berz keno û dima ke dişmen cewab bide blofê ci bivîne yan zî telefon de bi hewayêkê wişkî tede qisey bike, hînî muttefîkanê ma binê tehlûkeyî de pê rewşêka bêpawitişe verdeno."

Mesajê McGurkî wina bîyî: "Destê DYA de esîrêkê DAÎŞ'î çin o. Ê pêro destê QSD'yî de yê ke Trumpî QSD pêşkêşê masaya Tirkîya kerd."

"Kampa Holî de ke wezaretê karan ê teberî û pawitişî yê DYA îqaz kerd ke no ware sey dendika ganîbîyayîşî ya DAÎŞ'î ya, nêzdîya 60 hezar esirî estê. Nîyetêk, kapasîteyeyêk yan zî waştişêkê Tirkîya çin o ke 60 hezar esîrî îdare bike. Eke naye ra bêro bawerkerdene, asayîşê ma yo neteweyî keweno binê tehlûkeyî."

"Herêma biasayîşe ya  ke Tirkî pêşnîyazê ci kenê, sînorê Tirkîya qasê 30 kîlometreyî mîyanê Sûrîye ra keno  ke wareyê Xrîstîyanî û Kurdî ciwîyenê daxilê ci beno. La qaşo dîplomatanê ma planêkê ser de xebitîyayêne ke verê nê taxrîbatan girewtêne. Mîke Pompeo (Wezîrê Karan ê Teberî) ça de yo?"

"A raste îdarekarê DYA planêkê 'mekanîzmaya asayîşî' QSD reyde da îmzakerdene. Çarçeweya nê planî de seba ke verê Tirkîya bêro girewtene ke derbasê hetê bînî yê sînorî nêbe, pêro bendê pawitişî yê hetê Sûrîye de wedaritî. Fermandarîya Ewropa ya DYA ya EUCOM‘î no plan vizêr eşkera kerd. Gelo Trump derheqê nê planî de amebi xeberdayene?"

McGurk hişyar kerd û vat: "Birêz Serek, bibore labelê înan ra yewêk zî rast nîyo. Eşkeno to rê pêşnîyaz bikero ke derheqê hendeyê meseleyanê girînan de qerargirewtişî ra ver pisporanê xo û ekîba xo ya polîtîka reyde kombîyayîşan biviraze. Qerarêko winasên dimayê qiseykerdişê bi lîdero xerîbî nêno girewtene, no yeno a mena ke şima wezîfeyê xo seba bi hewayêkê xirabî xebitnenî."