Merkezê Xeberan - Gorê xebera medyaya Çînî, 13 qezayanê Wuhanî de 11,000,000 kesî cuyenê û testê înan do heta 10 rojan hazir bê.

Medyaya Çînî aşkere kerd ke, temamê kesê ke Wuhan de cuyenê do testên vîrusa korona bikê.

Vîrusê korona Kanûna 2019î de Wuhan ra vejyabi û uca ra vîyarbi pêroyê dinya.

Wuhan qasê 2 aşman kewtbi karantîna û tedbîrî 11’ê Adare ra dima qonax bi qonax sist bibî.

Nê rojanê peyênan de Wuhan de 6 nêweşê korona amê tespîkerdiş.

Wuhan de heta nika 3,869 tenî rîyê vîrusê korona ra merdî.