Dewaya Ceylane Onkol de mehkeme Wezaretê Karanê Zereyî se ra 90 biqûsir dî û qerar da ke wa Wezaret 283 hezar TL tazmînat bido keyeyê Ceylan Önkol.

28ê êlula 2009î de Ceylane Onkola 12 serre deweka Xanbazî ya dewa Şenlîkî ya qezaya Licê de wexto ke bizê xo çernayêne pê guleyê eskeran  ameybî qetil kerdene. Keyeyê Onkolî derheqê Wezaretê Karanê Zereyî de dewaya tazmînatî akerdbi.  

Keyeyî pê rayîrê avûkatanê Komeleya Heqanê Merdiman (ÎHD) Mehkemeya Îdarî de dewa akerde. Mehkeme dima ke dokument û dîmenê serebûtî sero cigêrayîş kerd, eşkera kerd ke Wezaretî tedbîrê besî nêgirewtê û se ra 90 biqûsir o.

Mehkeme qerar da ke wa Wezaret qasê 238 hezar TL tazmînatê madî û manewî bido keyeyê Ceylane. 

Qetilkarê Ceylan Onkol hema zî nêameyî cezakerdene.