Kolner Philharmonie ewnanêka muzîkî ya namdar a.

Mehmet Akbaş do bajarê Almanyayî yê Kolnî de konserêk bido. Konserê ey do eywana muzîkî ya Kolner Philharmonieyî de bêro viraştene. Mehmet Akbaş do konserê xo de deyîyanê Kirmankî, Kurmanckî, Sorankî û yê xeylê ziwananê bînan vajo. Konserê ci 2yê Temûze saete 20.00î de do bêro destpêkerdiş. Xeylê hunermendê serkewteyî do Mehmet Akbaşî reyde bivejîyê sehneyî ser.

‘Ganî paştî bidîya nê tewir konseran’

Mehmet Akbaşî derheqê konseri de va, “No destvisteyêko muhîm o. Ziwanê ma wayîrê statuyêk nîyo. Coka konserê nê tewirî seba ziwan û kulturê ma xeylê muhîm ê. Ganî paştî bidîya nê konseran ke wa nê berî ma rê û nivşanê bînan rê akerde bimanê.”

BÎANET / KOLN