Seba ke namê înan de kelîmeya Kurdistan esta, dewlete Tirkîya derheqê çend partîyanê Kurdan de dewaya qefilnayîşî akerda.

Partîya Azadîya Kurdistanî (PAK) û Partîya Sosyalîst a Kurdistanî (PSK) seba ke derdê xo îzah bikê û na neheqîya ke înan rê bena bidê eşnawitiş çend rojîyo ke Anqara de partîyanê sîyasî, sazîyanê sîvîl û konsolonsxaneyanê welatanê xerîban zîyaret kenê.

Mîyanê heyete de Serekê Pêroyî yê Partîya Azadîya Kurdistanî (PAK) Mustafa Ozçelîk zî esto û heta nika xeyê partî û konsolonsxaneyî amê zîyaretkerdiş.

Îdîananê û beyanatê PAK û PSK ke bi Kurdkî, Tirkî û Îngîlîzkî ameybî nuştene zî teslîmê partî û konsolonsxaneyan bîyê.

Pêrûna pêvînayîşan de ame îzahkerdiş ke, namê Kurdistan nameyêko meşrû yo û seba namê Kurdistanî yew partî rê akerdişê dewaya qefilnayîşî neheqî ya û no muamele, muameleyêko antîdemokratîk o.

Hetkarê Serekê Pêroyî yê PAKî Mehmet Gulî no derheq de qisê kerd û behsê pêvînayîşê înan ê Anqara kerd.

Mehmet Gul vano: Ma Anqara de xeylê dezgeyî zîyaret kerdî. HDP û CHP zî vanê, muamelyo ke şima rê beno muameleyêko antîdemokratîk o.  Xora nika halê Tirkîya hetê demokrasî ra rind nîyo û xirab o. Tirkîya demêko xirab ra vîyarena. Semedê heqanê xo yê meşrûyanm çi destê ma ra bêro ma do bike. Ma qayîlê wa her keso ke xora vano ez demokrat a û wayîrê wicdanî yo hetkarîye bido ma û ver ana neheqîye vengê xo berz biko.