Piştî roja kuştina Fermdeyê Hêza Quds a Îranê Qasim Silêmanî Cîgirê Heşdî Şabî Ebû Mehdî Mûhendîs roja înê 03-01-2020an li Bexdayê ji alîyê Amerîkayê va rewşa herêmê ber bi alozîyê va diçe. Rewşa kurdan a di vê alozîyê jî da bûye cihê nîqaşê.

Sîyasetmedarê û yek ji damezrînerê Yekgirtûya Îslamîya Kurdistanê Dr. Dîndar Doskî derbarê alozîya li herêmê da ji BasNewsê ra axivî û da zanîn merc nîne rewş bo kurdan xirab bibe. Ew niha nizanin bê ka wê çi rû bide.

Di berdewamîyê jî da Dr. Dîndar Doskî da zanîn ku milmilaneyên Îran û Amerîkayê kevn in û niha ew alozîya Amerîka û Îranê hatîye Rojhhilata Navîn. Herwiha Doskî da zanîn ku dive Kurdistan bo her egerekê amade be lê ew niha nizanin bê ka wê çi rû bide.

Li alîyê din sîyasetmdarê naskirî yê kurd Mehmûd Osman jî  ji BasNewsê ra axivî û tekezî li ser wê yekê kir ku divê serkirdeyên kurd bo gotûbêjkirina rewşa herêmê li hev bicivin û bizanin bê ka çi rû dide.  Di berdewamîyê  jî da Mehmûd Osman bi pêwsît zanî ku projeyeke kurdan a niştimanî hebe û ew di egera her rûdanekê da kurd bo wê projeyê kar bikin.

Basnews