Platformê Ma do Cînayetanê Vera Cinîyan Vindarnê (KCDP) raporê kişîyayîşê cinîyan ê menga tebaxe eşkera kerd. Goreyê raporî 27 cinîyî hetê camêrdan ra ameyî qetilkerdene û 23 cinîyî zî bi hawayêkê şikdarî merdî.

Rapor de ame vatene ke 27 cinîyan ra sebebê kişîyayîşê 16 cinîyan nêzanîyeno. Goreyê raporî 4 cinîyî bahaneya ekonomîke, 7 cinîyî waştişê veradayîşî ra ameyî qetilkerdene.

Nê 27 cinîyan ra 8ê ci hetê mêrdeyê xo ra, 6 cinîyî hetê waştîyê xo ra, 4 cinîyî hetê mêrdeyê xo yê verênî ra, 4 cinîyî hetê şinasanê xo ra, 2 cinîyî hetê merdimanê xo ra, 1ê ci hetê babîyê xo ra, 1ê ci hetê lajê xo ra ameyî kiştene.

Rapor de wina ame vatene: ''Se ra 56 cinîyî keyeyê xo de, se ra 19 kuçeyan de ameyî kiştene.