Serokwezîra Almanya Angela Merkel, ji bo yekîneyên xwe yên leşkerî yên li sînorê Ukrayna kêm bike, bang li Rûsya kir.

Li gor zanyariyan, Merkel bi rêya telefonê bi Serokê Rûsya Vladimir Putin ser çareseriya kêşeya Ukrayna peyivî.

Merkel diyar kir, divê aliyên pev diçin şerê xwe rawestînin û dest bi danûstandinan bikin.

Putin îdia dike, rêveberiya Kievê li rojhilata Ukrayna ‘‘çalakiyên provakatîf’’ li dar dixe.

Herwiha Kremlînê jî da zanîn, Merkel û Putin fikarên xwe yên ser rewşa Ukrayna ji hev du re gotine.

Serokê Amerîka Joe Biden hefteya borî destnîşan kiribû, ew bi awayekî xurt piştgiriya yekîtiya axa Ukrayna dikin.

Yekîtiya Ewropa (YE) jî eşkere kiribû ew li hember Rûsya piştgiriyê dide Ukrayna.