Serokwezîr Mesrûr Barzanî Îro danê sibê li Hewlêrê ligel şandeke Polanda bi serokatiya cîgirê Wezîrê Derve yê Polanda, Maciej Lang hevdîtin pêk anî. Barzanî di civînê de ji şanda Polandî re got, li Herêma Kurdistanê şert û firsendek baş heye bo bazirgan û karsazên biyanî, dê hêsankariyên pêwîst jî bên kirin.

Di daxuyaniya hikûmetê de li ser naveroka wê hevdîtinê hat gotin ku cîgirê Wezîrê Derve yê Polanda kêfxweşiya xwe bo aramî û ewlehiya Kurdistanê nîşan daye û gotiye, ev aramî firsendek baş bo bazirgan û karsazên Polandî da ku li Kurdistanê kar bikin û daye zanîn, di demek nêzîk de şandeke bazirganî ya Polanda dê serdana Kurdistanê bike.

Di daxuyaniyê de her wiha hatiye ragihandin ku wî rayedarê hikûmeta Polanda spasiya Herêma Kurdistanê jî kir ji ber hewandina bi sedan hezar koçber û penaber, zêdebarî wê kirîza darayî ya ku bi ser Kurdistanê de hatibû.

Serokê hikûmeta Kurdistanê Mesrûr Barzanî jî spasiya şanda mêvan kir û got, li Herêma Kurdistanê şert û firsendek baş heye bo bazirgan û karsazên biyanî, dê hêsankariyên pêwîst jî bên kirin.