Navenda Nûçeyan- Serokwezîrê Hikûmeta Herêma Kurdistanê Mesrûr Barzanî bi boneya çarem kongreya Yekîtîya Niştimanîya Kurdistanê (YNK) peyameke pîrozbahîyê arasteyî serkirdayetîya wê partîyê kir û pîrozbahîyên xwe pêşkêş kirin.

Mesrûr Barzanî ragihand, “Pîrozbahîya serkevtina kongreya çarem li birêz endamên Encûmena Bilind a Sîyasî û Encûmena Giştî ya Serkirdayetîyê û hemû endamên Yekîtîya Niştimanîya Kurdistanê dikim.”

Herwiha Serokwezîrê Hikûmeta Herêma Kurdistanê di peyama xwe de amaje bi wê jî kir, “Hêvîdar im kongreya YNKê bibe sedema piştevanîyeke zêdetir bo hikûmeta Herêma Kurdistanê ta ku li gel hev xizmeta şayîstetir a xelkê Herêma Kurdistanê bikin û berevanîyê li mafên destûrî bikin.”