Serokê Giştî yê PDKê Mesûd Barzanî li navçeya Selahadînê bi rûspiyên civakê re kom bû. Barzanî di wê civînê de bal kişand ser erebkirina Kerkûkê û herêmên din ên li derveyî rêveberiya Herêma Kurdistanê û got, ew polîtîkayên erebkirina wan herêman nayê qebûlkirin.

 

Barzanî di axaftina xwe de got, "Xelkê Kurdistanê bi nirxên xwe yên exlaqî û çanda xwe ya pêkvejiyanê li hemberî aliyên etnîkî û dînî yên din bi rêz tevdigere. Em ê destûrê nedin ku aloziyên navbera hikûmetan gelan bînin hemberî hevdu. Polîtîkayên erebkirinê ji bo gelan dibe sedema encamên xeternak ên mezin."

Mesûd Barzanî derbirî ku ew dê her tim li gel xelkê Kurdistanê bin û ew ê destûrê nedin binpêkirina mafên mirovan û got, "Divê xelkê Kurdistanê li dijî zilma zaliman hêviya xwe wenda neke."