Navenda Nûçeyan - Hunermendê navdar Metin Kahraman di balkona mala xwe ya li navenda Dêrsimê de ji bo cîranên xwe stranên Kurdî û Tirkî got û beşek ji cîranên wî, bi çepikan tevlî stranan bû û hinek ji wan jî ew heyam bi kamereyên telefonên xwe tomar kirin.

Metin Kahraman ji bo karmendên tendirustîyê banga piştevanîyê kir û got divê herkes li hemberî koronayê bi baldar be.

Derbarê rewşa li Dêrsimê de Kahraman got: “Heta vê gavê rewşa bajêr baş e. Şeş nexweşên me hebû, ji wan rewşa çar kesan baş bûye. Hejmara nexweşên me du kes in, lê li gor agahîyên hatine bihîstin îro polîsek jî bi vîrusê ketîye. Nexweş di nav xelkê de berbelav dibe, lewma divê em ji xwe agahdar bin.”

Herwiha Kahraman endamên Grûp Yorumê jî bibîr anîn û strana wê grûpê ya bi navê “Uç beş kişi kalmiş turku dîyenler” (çar pênc kes mane dibêjin stran) û got: “Bila daxwazên Grûp Yorumê bêne qebûlkirin. Herwiha bi rojîya mirinê jî were bidawîkirin.”

Rûdaw

Di bendava Dêrsimê de termek hat dîtin

Li Dêrsimê, ji bo 15 rojan hemî çalakî qedexe ne

Zeynep Turkyilmaz: Komkujîya Dêrsimê ji asta lêborîna Erdogan derbas nebû

Li Xarpêtê `deverên ewlekarîya taybet` û li Dêrsimê qedexe hat ragihandin