Qeraxê vakurê Peru de mezelê komî yê 227 domanê ke eynî wext de ameyî qetilkerdene ame vînayene. Arkeologî dîyar kerdî ke domanî Qralîyê Chimorî de ameyî dinya û yeno texmînkerdene ke  felaketê girêdayeyê germîya bi nameyê El Nino de ameyî qetilkerdene.

Cesedanê domanan de hema zî yê ke goşê înan bi laçikan ameyî padayene estî. Çerm û porê cesedan zî hema mezelan de yî.

Yeno texmînkerdene ke emrê domanan mabenê 4 û 14î de yî û hezar û 400 serrî verê bi îşkence ameyî qetilkerdene.

Yeno texmînkerdene ke domanî seba ke şertê hewayî bêrî başkerdene û vindetene Homa rê ameyî dîyarkerdene.

El Nino çi yo?

El Nino Pasifik Okyanusî zaf germ kerdbî. Felaketanê welatê Peru û sewbîna welatan xo reyde ardbî. El Nino sey felaketê hewayî yeno zanayene. El Nino reyde felaketê hewa û laserî zî virazîyenî.